över uns

und uns Geschicht

Grünnung

Een Inserat in’t Blatt reep de Lüüd op, sik an 15. Mai 1986 in’n Burgmannshof to drepen. Man wull een Theatergrupp op de Been stellen. Dat weer dat erstmal, dat de „Hornbörger Pannkoken“ sik drepen. 12 Lüüd harr’n Lust sik mal as Schauspeelers to versöken.
Heinz Bansemer harr de goode Idee un mit een Glas Sekt is anstoten wor’n. Reiner Holst harr denn Infall för den Namen von de nee‘ plattdütsche Theatergrupp. De erste Schritt weer doon, nu möten noch’n paar Lüüd meer mitmaken, mit’n lütje Anzeig in’t Blatt – „Hornbörger Pannkoken suchen noch Mitglieder“ – harr’n wi ok Erfolg. Gau keemen noch veele Lüüd dorto, denn nu wull’n we ja ok een Theaterstück op de Bühn bringen. Ok för dat Bühnenbild, de Technik un de Maske bruukt ma ja Lüüd.
In August 1986 stunn fast dat an 10. Januar 1987 dat eerste Mal de Vörhang in de Festhall Hornborg opgahn schull. Dat Stück „Moder kriggt Zwangsurlaub“ schull 3 Mal op de Bühm kamen. Dat Publikum weer dat aver nich noog, un so keem dat, dat de Pannkoken 8 Mal speeln möten.
De Hornbörger Pannkoken harr’n ehren Platz in de plattdüütsche Theaterwelt funnen.
Mit twölf Lüüd sünd we am 15. Mai 1986 anfungen, dor sünd denn gau twintig ut wor’n, twüschen 17 un 67 Johrn.

WordPress Cookie Hinweis von Real Cookie Banner